लुटेरा खोज्दा एउटै गाउँमा चार वटा बम फेला I

WATCH VIDEOS, PHOTOS AND MANY MORE कञ्चनपुरको भीमदत्त नगरपालिका–३ बिचपुरी गाउँमा चार वटा बम फेला परेको छ। जिल्ला प्रहरी कार्यालयबाट गएको गस्ती टोलीले बिचपुरी गाउँमा बम फेला पारेको हो। खेतबारीमा तीन वटा र एउटा बम गाडिएको अवस्थामा फेला परेको प्रहरीले जनाएको छ।
चार वटै बम महेन्द्रनगरस्थित नेपाली सेनाको हनुमानध्वज गुल्मको बम डिष्पोजल टोलीले निस्क्रिय पारेको गुल्मले जनाएको छ। प्रहरीले डिष्पोजलका लागि सेनालाई खबर गरेपछि सेनाको डिष्पोजल टोली घटनास्थल गई बम निस्क्रिय पारेको हो।
बिहीबार राति भीमदत्त नगरपालिका–१ बाराकुण्डामा लाखौंको लुटपाट गरिएको थियो। लुटपाटपछि लुटेराहरुको खोजीकार्यमा गएको प्रहरी टोलीले गाउँमा बम फेला पारेको हो।

VIDEOS