Feature समाचार,
संविधान घोषणा हुने पक्का नभएसम्म प्रधानमन्त्रीले राजिनामा दिन नहुने : माओवादी-मोर्चा
SHARE WITH FRIENDS do some खलबली
मन पराउनुस --> [[
]]
Published on Wednesday, 23 May 2012
एकीकृत नेकपा माओवादी र संयुक्त लोकतान्त्रिक मधेशी मोर्चाले संविधान घोषणा हुने पक्का नभएसम्म प्रधानमन्त्री डाक्टर वावुराम भट्टराईले राजिनामा दिन नहुने निर्णय गरेका छन् । सिंहदरबारमा भएको छलफलमा नयाँ संविधान प्रमाणीकरणका लागि राष्ट्रपति कहाँ पुगेपछि मात्रै प्रधानमन्त्रीले राजिनामा दिने माओवादी उपाध्यक्ष नारायणकाजी श्रेष्ठ प्रकाशले बताउनुभयो ।
उहाँले कांग्रेस एमालेले संविधान पनि नबनाउने र संविधानसभा भंग गर्न लागेको आरोप लगाउँदै यस्तो अवस्थामा प्रधानमन्त्रीले राजिनामा नदिने बताउनुभयो । आफूहरु पाँच बुँदे सहमतिमा प्रतिबद्ध रहेको र सहमतिमा संविधान घोषणापूर्व राजिनामा दिने भनेकाले प्रमाणीकरणका लागि राष्ट्रपतिकोमा संविधान पुगेपछि मात्रै प्रधानमन्त्रीको राजिनामा आउने बताउँनुभयो ।
माओवादी र मोर्चाबीच छलफल हुनु अघि मुख्य तीन दलसहित मोर्चाको संयुक्त बैठक वसेको थियो । बैठकमा नेपाली कांग्रेस र नेकपा एमालेले जेठ १४ मै संविधान घोषणा गर्नुपर्ने भन्दै त्यसका लागि प्रधानमन्त्री डाक्टर बावुराम भट्टराईको राजिनामा आउनुपर्ने शर्त राखेका थिए ।
अझै जेठ १४ मा संविधान जारी हुन सक्ने भन्दै कांग्रेस एमालेले प्रधानमन्त्री भट्टराईले तत्काल राजिनामा दिएर कांग्रेस नेतृत्वमा सरकार बनाई संविधान घोषणा गर्ने वातावरण बनाउन माग गरेका थिए ।
भर्खर राखिएका अरु समाचार, फोटो र भिडियोहरु पनि हेर्नुहोस
