समाचार,
माओवादीको संस्थापन पक्षको केन्द्रीय समितिको बैठक दिउँसो I
SHARE WITH FRIENDS do some खलबली
मन पराउनुस --> [[
]]
Published on Thursday, 31 May 2012
बिहान ११ बजेको लागि बोलाइएको एकीकृत माओवादी संस्थापन पक्षका केन्द्रीय सदस्यहरुको बैठक दिउँसो ३ बजेसम्मको लागि स्थगित भएको छ । नेताहरुको व्यस्तताका कारण बैठक सार्नु परेको माओवादीले जनाएको छ ।
दुवै बिचार समूह मिलेर जाने वा छुुट्टिने भन्ने निक्र्यौल गर्न एकीकृत माओवादीको संस्थापन पक्ष र बरिष्ठ उपाध्यक्ष मोहन बैद्य समूहले आफू पक्षका केन्द्रीय सदस्यहरुको छुट्टाछुट्टै बैठक आज बोलाएका छन् । पेरिसडाँडामा दिउँसो बस्ने बैठकमा संविधानसभा विघटनको समीक्षा, संविधानसभा नयाँ चुनावको तयारी, पार्टीको आगामी कार्ययोजना लगायत विषयमा छलफल हुने पोलिटव्युरो सदस्य हरिबोल गजुरेलले जानकारी दिनुभयो ।
पछिल्लो राजनीतिक परिस्थितिको जानकारी गाउँ तहसम्म पु¥याउने र संयुक्त लोकतान्त्रिक मधेसी मोर्चासँग मिलेर जनपरिचालनमा जानेबारे पनि बैठकमा छलफल हुने गजुरेलले बताउनुभयो । बैठकमा अध्यक्ष पुष्पकमल दाहाल प्रचण्डले समसामयीक राजनीतिक परिस्थितिको समीक्षा सहित पार्टीको आगामी रणनीतिबारे प्रस्ताव पेस गर्ने बताइएको छ ।
माओवादीको संस्थापन र बैद्य समूहको एकै दिन छुट्टाछुट्टै केन्द्रीय समितिको बैठक बस्न लागेको यो पहिलो पटक हो ।
भर्खर राखिएका अरु समाचार, फोटो र भिडियोहरु पनि हेर्नुहोस
