बन्दका कारण तराईको जनजीवन अझै पनि ठप्प I

WATCH VIDEOS, PHOTOS AND MANY MORE जेठ १०,काठमाडौँ । वृहत मधेशी मोर्चा तथा थरुहट संघर्ष समितिले छुट्टा-छुट्टै आह्वान गरेको अनिश्चितकालिन बन्दका कारण सम्पूर्ण तराईको जनजीवन अझ पनि ठप्प छ । सुदूरपश्चिम ठप्प भएको झण्डै महिना दिन पुग्न थालेको छ ।

अखण्ड सुदूरपश्चिम माग गर्नेले सरकारसंग सहमति पछि बन्द फिर्ता लिएपनि त्यहाँ थारुहरुको बन्द कायम छ । थारुले जेठ १ गतेबाट तथा मोर्चाले जेठ ५ गतेबाट अनिश्चित बन्द आव्हान गरेको छ । त्यसअघि ब्राम्हण,क्षेत्री,दशनामी लगायतको संयुक्त संघर्ष समितिको बन्द थियो । लगातार लामो बन्दले तराईको जनजीवन थप कष्टकर भएको छ ।
थारु जातिका मागहरु सम्बोधन नभएकाले बन्द यथावत रहेको समितिका संयोजक तथा माओवादी सभासद् इन्द्रजित थारुले जानकारी दिएका छन् । बन्दका कारण तराइका २२ जिल्लाको जनजीवन प्रभावित भैरहेको छ । तराइका बासिन्दाले दुई सातादेखि बन्दको मार खेपिरहेका छन् ।
बन्दका कारण यातायात, बजार, शिक्षण संस्था र कलकारखाना सञ्चालन हुन पाएका छैनन् । जिल्लाका मुख्य बजार र बिभिन्न चोक चोकमा थारु संघर्ष समितिका कार्यकर्ताहरु लाठी लिएर बसिरहेका छन् ।

VIDEOS