समाचार,
‘सत्ता तिनका बाऊको पेवा हो र ? अब ५ सय बर्ष खान्छौं’: प्रचण्ड
SHARE WITH FRIENDS do some खलबली
मन पराउनुस --> [[
]]
Published on Sunday, 10 June 2012
तामाङ राष्ट्रिय मुक्ति मोर्चाले शनिबार काठमाडौंमा गरेको कार्यक्रममा प्रचण्डले अहिले दलहरुबीच भइरहेको लडाई सत्ताकै लागि भएको बताउनु भयो । ‘माओवादीको सत्ता कब्जाको रणनीति रे । उनको मात्र बाउको पेवा हो सत्ता ?’ उहाँले भन्नुभयो-’जनताले नपाउने ? मधेसी, जनजाति, दलितले सत्ता नपाउने ? लिन्छ अब सत्ता । तीनले २ सय ४० वर्ष खाए, अब ५ सय बर्ष अरुले खान्छन् ।’ प्रचण्डले मधेसी, जनजाति, दलित सत्ताको महत्व नवुझेर बिगि्रएको र शासकहरु सत्ताबाहेक अरु केही नदेखेर विग्रएको दावी गर्नुभयो ।
कांग्रेस-एमालेको आग्रहमा राष्ट्रपतिले प्रधानमन्त्रीलाई बर्खात गर्न खोजे नेपाली सेनाले साथ नदिने प्रचण्डको दावी थियो । ‘नेपाली सेना गणतन्त्रबादी सेना, अहिले सायद उनीहरुले राष्ट्रपतिकोमा गएर अपदस्त गर यो सरकारलाई भनेका होलान्’ टाउको हल्लाउँदै प्रचण्डले भन्नुभयो-’मान्नेबाला छैन सेनाले । किन मान्ने ? कांग्रेसले भनेको पछि किन हिड्ने सेना ? माओवादीले संवैधानिक ढंगले पनि ठिक निर्णय गर्छ, राजनीतिक ढंगले पनि ठिक निर्णय गर्छ । नेपाली सेनालाई पनि आफ्नो मान्छ । निर्वाचित सरकार पनि हो भने के माओवादी सौताको छोरा हो ?’
माओवादीले २-४ हजार सेना र केही हतियार मात्र बुझाएर केही फरक नपरेको भन्दै उहाँले आफूले चाहे ३ दिनमा ३ करोड जनतालाइ सेना बनाउने दावी गर्नुभयो । ‘माओवादीले दुई चार हजार थान हतियार बुझाएपनि जनताको एजेन्डा नछाडेकाले नेपाली जनताको सबै हतियार माओवादीले प्राप्त गरेको छ,-उहाँले भन्नुभयो- ‘नेपाली जनताको साथ पाएसम्म माओवादीलाई कुनै पनि कुराको अभाव हुँदैन ।’
संविधानसभाबाटै संविधान जारी गर्नुको विकल्प नभएको भन्दै उहाँले आवश्यक परे ४ पटकसम्म संविधानसभा निर्वाचन गर्ने बताउनु भयो । ‘अरु विकल्पबाट संविधान बनाउने कुरा कुनै पनि हालतमा स्वीकार्य हुन सक्दैन’ उहाँले भन्नुभयो-’एक पटक हैन, दुई पटक मात्र हैन, आवश्यक पर्यो भने तीन-चार पटक पनि संविधानसभाको निर्वाचन गर्नुपर्छ र संविधानसभाबाटै संविधान बन्नुपर्छ ।’
पुनःस्थापना गर्दैमा संविधान बन्छ भन्ने ग्यारेन्टी नभएको भन्दै उहाँले सबै विवादित विषयमा सहमति भए मात्र संविधानसभा ब्युँताउन सकिने बताउनु भयो । सत्ताकै लागि पुनःस्थापनाको कुरा गरिएको हो कि भन्दै उहाँले भन्नुभयो-”सत्ता र सरकारका लागि मात्रै उनीहरुले संविधानसभा पुनःस्थापना गर्न खोजेका हुन भने त्यो कुनै पनि हालतमा स्वीकार्य हुन सक्दैन, हामी त्यस्तो आत्मघाती काम गर्न तयार छैनौं ।’
भर्खर राखिएका अरु समाचार, फोटो र भिडियोहरु पनि हेर्नुहोस
