अर्थमन्त्री पुन सहभागी कार्यक्रम नजिक बम विस्फोट I

WATCH VIDEOS, PHOTOS AND MANY MORE सिन्धुपाल्चोक, जेठ २० - जलवीरेस्थित आनन्द उच्च माविको परिसरमा अर्थ मन्त्री वर्षमान पुन सहभागी भएको एक कार्यक्रम स्थलनजिकै बम विस्फोट भएको छ। कार्यक्रम स्थलभन्दा करिब ५० मिटर टाढा पाइप बम बिस्फोट भएको हो। बिस्फोटबाट कुनै किसिमको क्षति भने भएको छैन। माओवादी २ नम्बर उत्तरी कमाण्डको आयोजनामा भएको कार्यक्रममा अग्नि सापकोटा लगायत नेताको उपस्थिति थियो।
ठूलो संख्यामा अन्य दलका युवा कार्यकर्तालाई माओवादी पार्टीमा भित्र्याउने कार्यक्रम भएकै कारण त्यसमा अवरोध गर्न बिस्फोट गराइएको हुनसक्ने माओवादी सिन्धुपाल्चोक जिल्ला सह-सचिव माधव सापकोटाले बताए।

बिस्फोटअघि लगभग दुई सय युवा पार्टी प्रवेश गरिसकेको बताउँदै सापकोटाले यसमा जिल्ला स्तरका कङ्ग्रेस कार्यकर्ताको हात रहेको आरोप लगाएका छन्। विस्फोटअघि त्यहाँबाट दुई युवा भागेको प्रत्यक्षदर्शीले जनाएका छन्।

VIDEOS