प्रवास भिडियो समाचार,
अनेसास इजरायलद्वारा साहित्यिक भेटघाट कार्यक्रम सम्पन्न I with video
SHARE WITH FRIENDS do some खलबली
मन पराउनुस --> [[
]]
Published on Sunday, 2 September 2012
अनेसास इजरायल च्याप्टरको आयोजनामा सेप्टेम्बर १, २०१२, शनिवार एक साहित्यिक भेटघाटको कार्यक्रम सम्पन्न भएको छ । उक्त अवसरमा मासाभ इजरायलको निमन्त्रणामा कृषि सम्बन्धी प्रविधिको को आदानप्रदान तथा प्रवर्द्धन गर्नका लागि नेपालबाट इजरायल भ्रमणमा रहनुभएका कृषि विकास बैङ्कका प्रतिनिधि तथा कथाकार दिलिप शाह र साहित्य अनुरागी विनोद प्याकुरेलको उपस्थितिसमेत रहेको थियो ।
कथाकार दिलिप शाह र विनोद प्याकुरेलको स्वागतार्थ राखिएको उक्त साहित्यिक भेटघाट कार्यक्रम अनौचारिक रूपमा सञ्चालन गरिए पनि कार्यक्रममा इजरायलमा बसेर नेपाली साहित्यमा कलम चलाउने सर्जकहरूको उत्साह र क्रियाकलाप देखेर कथाकार दिलिप शाह तथा विनोद प्याकुरेलले विदेशको भूमिमा रहेर नेपाली साहित्यमा कलम चलाउने साहित्यप्रेमीहरूको यो उत्साहजनक क्रियाकलामबाट प्रभावित र अति खुशी समेत भएको बताउनुभएको थियो ।
उक्त साहित्यिक भेटघाटमा इजरायलमा कार्यरत साहित्य अनुरागीहरूले उपस्थित महानुभावहरू तथा अतिथिद्वय शाह र प्याकुरेललाई आ-आफ्ना रचनासमेत वाचन गरेर सुनाउनुभएको थियो । रचना वाचन गर्नेहरूमा मुक्तककार कल्पना “भावुक” गिरी, कवियित्री दिप्स शाह, गीतकार लक्ष्मी पोखरेल तथा हरि मानन्धर “विवश” हुनुहुन्थ्यो ।
उक्त कार्यक्रमलाई सार्थक तुल्याउन हर तरहले योगदान दिनुहुने अनेसास इजरायलकि सचिव दिप्स शाहको सक्रिय भूमिकालाई अनेसास इजरायलले हार्दिक धन्यवाद तथा आभार व्यक्त गरिएको छ ।
भर्खर राखिएका अरु समाचार, फोटो र भिडियोहरु पनि हेर्नुहोस
