एस एल सी परिक्षा दिदा दिदै सुत्केरी I

WATCH VIDEOS, PHOTOS AND MANY MORE ८ चैत, धनकुटा । ठाकुरदेवी परीक्षा केन्द्र थलथलेबाट प्रवेशिका परीक्षाको दोस्रो दिन नेपाली विषयको परीक्षा दिइरहेकी छिन्ताङ-२ की मीना राईले छोरा जन्माएकी छन् । परीक्षा सुरु भएको केही मिनेटमै मीनालाई प्रसूती व्यथाले च्यापेको थियो । त्यसपछि परीक्षा केन्द्रका शिक्षक र अन्य साथीको सहयोगमा उनलाई नजिकैको आँखीसल्ला स्वास्थ्यचौकी पुर्‍याइएको थियो । स्वास्थ्यचौकी पुर्‍याएको दुई घन्टापछि मीनाले छोरा जन्माएको केन्द्राध्यक्ष गोपाल राईले बताए । नवजात शिशुको नाम ‘रिजल्ट’ राखिएको छ । आमा र शिशु दुवैको अवस्था राम्रो छ ।

यसैगरी रुकुम सदरमुकाम खलंगा बालकल्याण मावि परीक्षा केन्द्रमा परीक्षा दिइरहेकी सुष्मा कुँवरले छोरी जन्माएकी छन् । नेपाली विषयको परीक्षा दिइरहेको एक घन्टापछि सुष्माले छोरी जन्माएकी थिइन् । सुष्माले सहयोगीमार्फत परीक्षा दिएको प्रहरीप्रमुख किसनसिंह थापाले जानकारी दिए । उनलाई थप एक घन्टा समय दिइएको थियो । यसअघि परीक्षाको पहिलो दिन रुकुमै दुई छात्राले परीक्षा हलमै शिशु जन्माएका थिए ।

VIDEOS