समाचार,
तपस्वी राम बहादुर बम्जनका समर्थकले पत्रकार कुटे I
SHARE WITH FRIENDS do some खलबली
मन पराउनुस --> [[
]]
Published on Wednesday, 21 March 2012
तपस्वी राम बहादुर बम्जनका समर्थकले पत्रकारमाथि हमला गरेको घटना सार्वजनिक भएको छ । बाराको हलखोरीया जंगलमा जारी उनको धार्मीक सभाको समाचार संकलनका लागि पुगेका नेपाल टेलिभिजनका बारा समाचारदाता रेशम तिवारीमाथि उनका समर्थकले हमला गरेका छन । यस घटनाप्रति नेपाल प्रेस युनियनले खेद प्रकट गरेको छ । उनको क्यामरा समेत वम्जनका समर्थकले लुटेका छन् । प्रेस युनियनका महासविच शिव लम्सालद्धारा जारी विज्ञप्तीमा घटनामा संलग्न दोर्जे भन्ने जर्मन नागरिक सहित अन्य आक्रमणकारीलाई तत्काल पक्राउ गरी आवश्यक कारवाही गर्न जोडदार माग गरेका छन् ।
आक्रमणमा पर्नेहरुमा ईमेज च्यानलका बारा संबाददाता प्रकास लम्साल,तराई टेलिभिजनका विनोद प्याकुरेल र मोफसल डटकम साप्ताहिकका पत्रकार बसन्त खतिवडा समेत रहेका छन । इमेज च्यानलका बारा संबाददाता प्रकास लम्सालको क्यामराको ब्याट्री समेत वम्जनका समर्थक युवाहरुले खोसेको युनियनले जनाएको छ । घटना लगतै ईलाका प्रहरी कार्यालय निजगढबाट प्रहरी घटनास्थल तर्फ गएको छ ।
तपस्वी बोम्जनको तपस्यास्थल हलखोरीया पूर्व पश्चिम महेन्द्र राजमार्ग अन्तर्गत बाराको पसाहाबाट ७ किलोमिटर उतरमा पर्छ ।
भर्खर राखिएका अरु समाचार, फोटो र भिडियोहरु पनि हेर्नुहोस
