Feature समाचार,
यस बर्षको एस एल सी परीक्षा शुरु भयो I
SHARE WITH FRIENDS do some खलबली
मन पराउनुस --> [[
]]
Published on Monday, 19 March 2012
यसपालीको एसएलसी परीक्षा मंगलबार बिहान ८ बजेबाट सुरु भएको छ । परीक्षा नियन्त्रण कार्यालयका अनुसार नियमिततर्फ चार लाख ४६ हजार एक सय ६६ र एक्जाम्टेडतर्फ ८२ हजार ९१ परीक्षार्थी गरी यस वर्ष एसएलसी परीक्षामा पाँच लाख २८ हजार दुई सय ५७ जना विद्यार्थी सामेल छन् ।
पहिलो दिन विद्यार्थी अंग्रेजी विषयको परीक्षा दिंदै छन् । परीक्षामा जम्मा ५८ विषयको परीक्षा हुनेछ । यो ७९ औं एसएलसी परीक्षा हो ।
यस वर्ष एसएलसी सेन्टअप परीक्षामा अनुत्तीर्ण गर्न नपाइने नियमलाई कार्यान्वयन गरिएकाले कक्षा १० मा अध्ययन गरेका प्रायः सबै विद्यार्थी नियमिततर्फबाट परीक्षामा सामेल हुँदैछन् । यसैगरी देशभरिका ८५ वटा खुला विद्यालयबाट करिब १० हजारले परीक्षा दिने बताइएको छ ।
यस वर्ष सबैभन्दा बढी काठमाडौँ जिल्लाका ३४ हजार १४ परीक्षार्थी परीक्षा दिंदैछन् । जसमा दुईजना विदेशी मूलका परीक्षार्थी छन् । त्यस्तै सबैभन्दा कम मनाङका एक सय पाँच परीक्षार्थी छन् ।
परीक्षाका लागि देशभरि एक हजार ७४८ परीक्षाकेन्द्र कायम गरिएको छ ।
भर्खर राखिएका अरु समाचार, फोटो र भिडियोहरु पनि हेर्नुहोस
