समाचार,
माओवादीका दुई कार्यकर्तालाई सुटुक्क सहिद घोषणा गरियो I
SHARE WITH FRIENDS do some खलबली
मन पराउनुस --> [[
]]
Published on Monday, 19 March 2012
फागुन १५ गते बसेको मन्त्रिपरिषद् बैठकले तनहुँ आँबुखैरेनीका विनोद पन्त र तनहुँकै बन्दीपुरका शेषमणि लामिछानेलाई सहिदको सम्मान दिएको हो स्रोतले बतायो । मधेस आन्दोलनका क्रममा मधेसी जनअधिकारी फोरमका कार्यकर्ताले रूपन्देहीमा अपहरणपछि उनीहरूको हत्या गरेका थिए । दुवैको परिवारलाई जनही १० लाख रुपैयाँ सहयोग दिने गरी भएको यो निर्णय मन्त्रिपरिषदले अझै सार्वजनिक गरेको छैन ।
सहिद घोषणाजस्तो सार्वजनिक महत्वको विषयलाई गोप्य राखेबाट स्वयं सरकार पनि सहिदको मर्यादाप्रति गम्भीर नभएको अन्नपूर्ण पोष्ट दैनिकमा प्रकाशित समाचारमा उल्लेख छ ।
मधेस आन्दोलन चर्कंदै गरेका बेला २०६४ जेठ ३० गते वाईसीएलका केन्द्रीय सदस्य विनोद र वाईसीएल रूपन्देहीका सचिवालय सदस्य शेषमणिलाई रूपन्देहीको मर्चबारबाट अपहरण गरिएको थियो। अपहरणपछि विनोदलाई रूपन्देहीकै शिवपुरमा र शेषमणिलाई भारतको डालीमा पुर्याई हत्या गरिस्एको थियो । उनीहरूको हत्यामा संलग्न रहेको भन्दै माओवादीले फोरमका ओमप्रकाश यादव गुल्जारीका दुईवटा घर, दुईवटा ट्याक्टर र धनमाल जलाइदिएका थिए । यादव वर्तमान सरकारमा कृषि तथा सहकारी राज्यमन्त्री छन् ।
भर्खर राखिएका अरु समाचार, फोटो र भिडियोहरु पनि हेर्नुहोस
