भक्तपुरमा मोटरसाइकल दुर्घटना हुँदा दुई जना एसएलसी परिक्षार्थीको मृत्यु भएको छ। भक्तपुरको गुन्डु गाविस वडा नं ९ स्थित सरस्वती शिक्षा सदनबाट एसएलसीको परीक्षा दिन मोटरसाइकलमा गएका सन्तोष देउजा र विकास लामाको मृत्यु भएको हो । गुन्डु गाविसका सन्तोष देउजाको घटनास्थलमै र झापा घर भई भक्तपुरको सल्लाघारी सिर्जनानगर बस्ने विकास लामाको काठमाडौं मेडिकल कलेजमा उपचारको क्रममा मृत्यु भएको प्रहरीले जनाएको छ । तीव्रगतिमा रहेको मोटरसाइकल जगातेस्थित भक्तपुर आयल स्टोर नजिकैको मोडमा मोड्न खोज्दा अनियन्त्रित भई नालीमा खसेर दुर्घटना भएको प्रहरीले जनाएको छ ।
खल्लीबल्ली डट कम (khalliballisite.blogspot.com) - एउटा भिन्नै किसिमको साइटमा तपाइंलाई हार्दिक स्वागत छ । दिनदिनै सामाजिक सद्भाव र शान्ति भड्काउने र खल्लीबल्ली मच्चाउने किसिमका घटनाहरु भैरहेका छन । त्यस्ता घटनाहरुलाइ हामी सकेसम्म तपाईं सामु ल्याउने कोशिस गर्नेछौं ।
