धारिलो हतियार प्रहार गरी आफ्नै आमाको हत्या

WATCH VIDEOS, PHOTOS AND MANY MORE म्याग्दी, जेठ ८– म्याग्दीको निस्कोट गाविस २ का कुमार पुनले धारिलो हतियार प्रहार गरी आफ्नै आमा भरिमा पुनको हत्या गरेका छन् । आइतबार राती साँढे ११ बजे ५१ वर्षिय कुमारले धारिलो हतियार प्रहार गर्दा आमाको घटनास्थलमा नै ज्यान गएको र बुबा प्रमाण पुनको टाउकोमा गम्भीर चोट लागेको छ ।
पुनको दरवाङ्ग प्रथामिक स्वास्थ्य केन्द्रमा सामान्य उपचारपछि थप उपचारका लागि सदरमुकाम बेनी ल्याईएको थियो । जिल्ला अस्पताल बेनीमा पनि उपचार सम्भव नभएपछि थप उपचारको लागि प्रमाणलाई पोखराको गण्डकी अस्पतालमा पठाइएको जिल्ला अस्पताल म्याग्दीलाई उदृत गर्दै जिल्ला प्रहरी कार्यालयले जनाएको छ ।
बाबुआमालाई धारीलो हतियार प्रहार गर्ने कुमार पुनलाई प्रहरीले नियन्त्रणमा लिएको छ । कुमारले मदिरा सेवन गरी धारीलो हतियार प्रहार गरेको प्रहरीले जनाएको छ ।

VIDEOS