सुचना र प्रविधि,
पाकिस्तानमा सामाजिक संजाल ट्वीटरलाइ प्रतिबन्ध I
SHARE WITH FRIENDS do some खलबली
मन पराउनुस --> [[
]]
Published on Sunday, 20 May 2012
पाकिस्तानले सामाजिक सञ्जाल ट्वीटरमा रोक लगाएको छ । ट्वीटरमाथि इस्लाम विरोधी सामाग्रीको प्रचार गरेको आरोप लगाइएको छ ।
पाकिस्तानको दूरसञ्चार अथोरिटीका प्रमुख मोहम्मद यासीनले इस्लामविरोधी सामाग्री हटाउन अस्वीकार गरेकाले ट्वीटरमाथि प्रतिबन्ध लगाएको बताएका छन् ।
ट्वीटरमा पोष्ट गरिएको सामाग्रीहरुमा फेसबुकमा भएको एक प्रतियोगिताको समेत प्रचार गरिएको थियो, जसमा पैगम्बर मोहम्मदको तस्वीर पोष्ट गर्नु पनि थियो । फेसबुक भने पाकिस्तानको चिन्ता सम्वोधन गर्न सहमत भएको उनले बताएका छन् । ट्विटरमाथि रोक लगाउने निर्देशन पाकिस्तानको सूचना तथा प्रविधी मन्त्रालयले दिएको थियो ।
मन्त्रालयले इस्लाम विरोधी सामाग्री हटाउन तयार भए ट्वीटरमाथिको प्रतिवन्ध हट्ने बताएको छ । ट्वीटर र फेसबुकका अधिकारीहरुले भने यसबारे केही बताएका छैनन् ।
यस्तै एक प्रतियोगिताका कारण पाकिस्तानको एक अदालतले फेसबुकमाथि प्रतिबन्ध लगाउन आदेश दिएको थियो । दुई हप्तापछि फेसबुकले उक्त पेज ब्लक गरेपछि प्रतिवन्ध हटेको थियो ।
भर्खर राखिएका अरु समाचार, फोटो र भिडियोहरु पनि हेर्नुहोस
