समाचार,
त्रकारलाई हिजो कुटाई, आज खादा र अविरले सम्मान I
SHARE WITH FRIENDS do some खलबली
मन पराउनुस --> [[
]]
Published on Sunday, 20 May 2012
सोमबार भने बिहानैदेखि काठमाडौंको सडकमा फरक दृश्य देखियो । समाचार संकलनका लागि हिडेका पत्रकारलाई अबिर र खादा लगाएर आन्दोलनकारीले सम्मान गरेका छन् । नेपाल पत्रकार महासंघका अध्यक्ष शिव गाउँलेले बिहानै अबिर र खादाको सम्मान पाउनुभयो ।
त्यस्तै धेरै पत्रकारले बिहानैदेखि सडकमा आइतबार जस्तो आक्रमण होईन अबिर र खादाको सम्मान पाएका छन् । महासंघका अध्यक्ष गाउँलेले उज्यालोसंग भन्नुभयो ‘बिहानै अबिर र खादा लगाईदिएका छन्, तर यो सामान्य भैसकेको अवस्था होईन । हामी कसरी अगाडि बढ्ने भन्ने छलफलकै क्रममा छौं ।’
नेपाल आदिवासी जनजाति महासंघको अगुवाईमा भएको बन्दमा प्रेस माथि आक्रमण भएको भनेर चौतर्फी आलोचना भएपछि सोमबार काठमाडौंका सडकमा पत्रकारका सवारी साधन चलिरहेका छन् । ठाउँ ठाउँमा आन्दोलनकारीले पत्रकार परिचय पत्र हेरेर ससम्मान रुपमा गाडी चलाउन दिएको महासंघको दावी छ ।
तर मकवानपुर र दोलखामा भने सोमबार पनि पत्रकारका गाडीमाथि आक्रमण भएको छ ।
भर्खर राखिएका अरु समाचार, फोटो र भिडियोहरु पनि हेर्नुहोस
