रोचक र भिन्न,
फेसबुकमा फोटो शेयर गर्दा घरमा लुटपाट मच्चियो I
SHARE WITH FRIENDS do some खलबली
मन पराउनुस --> [[
]]
Published on Wednesday, 30 May 2012
सामाजिक सञ्जाल फेसबुकमा पोष्ट गरेको ठूलो परिमाणको पैसाको तस्विरका कारण घरमा डकैती भएको छ । सुन्दा अचम्म लाग्ने यो घटना भएको हो अष्ट्रेलियामा ।
एक १७ वर्षीय किशोरीले फेसबुकमा आफूले पैसा गनिरहेको फोटो खिचेर पोष्ट गरेकी थिइन् । उनले सिड्नीमा रहेको आफ्नो हजुरआमाको घरमा पैसा गनिरहेकी थिइन् र त्यही बेला उनले उक्त रकमको फोटो खिचेर फेसबुकमा पोष्ट गरिन् । उनले उक्त फोटो पोष्ट गरेको केही घण्टामा नै उनको दक्षिण पूर्वी अष्ट्रेलिया स्थित बुडानुन शहरमा रहेको घरमा दुई युवाले डकैती गरेका थिए । किशोरीले आफ्नो घर बुडानुनबाट करिव १२० किलोमिटरको दूरीमा रहेको उनकी हजुरआमाको घरमा गनेको पैसाको फोटो राखेको अवस्थामा लुटेराहरुले भने उनको घर बुडानूनमा डकैती गरेका थिए ।
प्रहरीले दिएको जानकारी अनुसार हातमा चक्कु र डण्डा लिएर आएका दूई नकावधारीले उक्त लुट मच्चाएका थिए । उनीहरुले किशोरीको घरबाट केही रकम र केही महत्वपूर्ण सामान लुटेर लगेका थिए । प्रहरी यो आश्चर्यमा परेको छ की उक्त किशोरीको घरको ठेगाना ती लुटेराहरुलाई कसरी थाहा भयो । प्रहरीले यस विषयमा अनुसन्धान गरिरहेको सञ्चारमाध्यमहरूले जनाएका छन् ।
भर्खर राखिएका अरु समाचार, फोटो र भिडियोहरु पनि हेर्नुहोस
