सरकारले पत्रकार सुरक्षाको लागि विशेष कार्ययोजना ल्याउँछ : गृहमन्त्री I

WATCH VIDEOS, PHOTOS AND MANY MORE काठमाडौ, जेठ ८ – सरकारले पत्रकारको सुरक्षाका लागि विशेष कार्ययोजना ल्याउने भएको छ । पत्रकारमाथि भएको आक्रमणबारे ध्यानआकर्षण गराउन पुगेका पत्रकारहरुसँग गृहमन्त्री विजयकुमार गच्छेदारले पत्रकारको सुरक्षासम्बन्धी विशेष कार्ययोजना ल्याउने प्रतिबद्धता जनाउनुभएको हो ।
गृहमन्त्री गच्छेदारले पत्रकारमाथी बन्दका क्रममा आक्रमण हुँदा पनि सुरक्षाकर्मीले वास्ता नगरेको विषयमा घटना भएका ठाँउमा खटिएका सुरक्षाकर्मीको नेतृत्वलाई सोधपुछ गर्ने बताउनुभयो ।
पत्रकार महासंघका अध्यक्ष शिव गाँउलेको नेतृत्वमा गृहमन्त्रालय पुगेको पत्रकारहरुको टोलीले वन्दका क्रममा आइतबार र सोमबार पत्रकारमाथि भएको आकर्षणबारे जानकारी गराएको थियो ।
गृहमन्त्री गच्छादारले पत्रकारमाथि हुने घटना निन्दनीय र अक्षम्य भएको भन्दै तोडफोड भएका सवारी साधनको क्षतिपूर्ति उपलब्ध गराउने विश्वास दिलाउनुभयो ।

VIDEOS