आङकाजी शेर्पालाई एमालेले साधारण सदस्यबाट समेत हटाएपछि ।

WATCH VIDEOS, PHOTOS AND MANY MORE नेपाल आदिवासी जनजाति महासंघका अध्यक्ष राजकुमार लेखीले महासंघका महासचिव आङकाजी शेर्पालाई एमालेले साधारण सदस्य समेत नरहने गरी पार्टीबाट हटाएपछि एमाले भित्र मौलाएको अधिनायकवाद देखिएको बताएका छन् ।



लेखीले आङकाजीलाई एमाले पार्टीको साधारण सदस्य समेत नरहने गरी हटाएपछि आक्रोश पोखेका हुन । लेखीले एमालेले शेर्पालाई एकीकृत माओवादीले राजधानीको खुल्ला मञ्चमा एक गते गरेको सभामा भाषण गरेको नाममा निष्काशित गरेको समेत आरोप लगाएका छन् । लेखीले सोलुखुम्बु जिल्ला कमिटीका उपसचिव समेत रहेका शेर्पालाई निश्कासन गरेपछि एमाले भित्रको अधिनायकवाद प्रष्ट भएको समेत लेखिले बताएका छन् ।

हिजो बसेको एमाले स्थायी कमिटी बैठकले शेर्पालाई पार्टीको साधारण सदस्यसमेत नरहने गरी निश्काशित गरेको थियो । लेखीले भने एमालेले आफ्नो पार्टीबाट शेर्पालाई हटाएर जनजाति महासंघमाथि हस्तक्षेप गरेको समेत आरोप लगाएका छन् ।

VIDEOS