प्रवास,
कतारमा नेपाली कथानक चलचित्र - आइ एम सरी भव्यताका साथ प्रदर्शन I
SHARE WITH FRIENDS do some खलबली
मन पराउनुस --> [[
]]
Published on Sunday, 17 June 2012
तनहूँ सेवा समाज दोहा कतारको आयोजनामा नेपाली कथानक चलचित्र आइ एम सरी १५ जुन २०१२ का दिन दोहा सिनेमा हल कतारमा उल्लेखनीय दर्शकहरुको उपस्थितिमा भव्यताका साथ प्रदर्शन भयो । युवा पुस्ताहरुले अत्याधिक मन पराएको यस चलचित्र स्वदेशमा मात्र नभई विदेशमा पनि उत्तिकै मात्रामा सफल भएको छ । झण्डै सत्र सय एकानब्बे भन्दा बढी दर्शकहरुले उक्त फिल्म हेरेका थिए । हल दर्शकहरुको भीडले खचाखच भरिएको थियो । उक्त कार्यक्रमका संयोजक सन्तोष थापा तथा सानु थापा रहेका थिए भने कार्यक्रम प्रमुख व्यवस्थापक नवराज विक, राजेश पन्त, मनीराज थापा, श्रीराम पौडेल र भविन्द्र तामाङ रहेका थिए ।
२०, २५ र ५० कतारी रियालका टिकटहरु राखिएको उक्त चलचित्रमा केकी अधिकारी र आर्यन सिग्देलको मूख्य भूमिका रहेको थियो । फिल्म हेरिसकेपछि दर्शकहरुले फिल्म अत्यन्तै सफल रहेको प्रतिक्रिया जनाएका थिए । संस्थाका सचिव राजेश पन्तले सम्पूर्ण कतारबासी नेपाली दर्शक महानुभावहरुलाई कार्यक्रम सफल बनाउन सहयोग गर्नुभएकोमा धन्यवाद व्यक्त गर्नुभयो । आगामी दिनहरुमा समेत निरन्तर सहयोगको अपेक्षासहित कार्यक्रमबाट संकलन भएको रकम तनहूँ जिल्लामा महत्वपूर्ण कार्यमा सहयोग गरिने बताउनुभयो ।
सो चलचित्र हेरे बापत संस्थाले दर्शकहरुको सेवा तथा सुविधालाई ध्यानमा राखी नेपालमा जाँदा श्रमिक गेष्ट प्यालेसमा बसेको खण्डमा २५ प्रतिशत छुटसहित विभिन्न प्याकेजमा दर्शकहरुलाई अन्य विविध सुविधाहरुको पनि व्यवस्था गरिएको छ ।
भर्खर राखिएका अरु समाचार, फोटो र भिडियोहरु पनि हेर्नुहोस
