पेट्रोलियम पदार्थको आपूर्ति सहज I

WATCH VIDEOS, PHOTOS AND MANY MORE जेठ २९,काठमाडौ – आइतबार बसेको मन्त्रिपरिषदको बैठकले नेपाल आयल निगमलाई १ अर्ब ४० करोड रकम उपलब्ध गराउने निर्णय गरेपछि तेलको आपूर्ति सहज भएको छ । आयल निगमले ऋण स्वरुप अहिले ६० करोड पाइसकेको निगमका उपनिर्देशक सुशील भट्टराईले बताउनुभयो ।

भारतमा आइतबार बिदा परेकाले सोमबारदेखि सहज रुपमा इन्धनको आपुर्ति हुने निगमले जनाएको छ । शनिवार लोड भएर आएका तेल थानकोट डिपोबाट वितरण भइरहेको उपनिर्देशक भट्टराईले बताउनभयो । उहाँले मध्यमाञ्चलका लागि २६ लाख लिटर डिजेल, पेट्रोल र मट्तिेल भित्रिएको जानकारी दिनुभयो ।

उहाँका अनुसार सरकारबाट १ अर्ब ४० करोड, नागरीक लगानी कोषबाट १ अर्ब र कर्मचारी सञ्चय कोषबाट ६० करोड रकम पाएपछि त्यसको आधा प्रतिशत रकम इन्डियन आयल कर्पोरेशन आईओसीलाई बुझाउने तयारी गरिएको छ ।
आइओसीलाई बक्यौता रकम बुझाउन नसक्दा ७० प्रतिशत इन्धन आपूर्ति कटौती गरेको थियो

VIDEOS