समाचार,
शिक्षकहरु भत्ता लिन्छन्, पोशाक लगाउँदैनन् I
SHARE WITH FRIENDS do some खलबली
मन पराउनुस --> [[
]]
Published on Monday, 11 June 2012
गत साल देखि सरकारले सरकारी कार्यालयमा काम गर्ने कर्मचारीलाई पोशाक अनिबार्य लगाउनु पर्ने भन्दै रकम दिएको भएपनि रौतहटका शिक्षकले हालसम्म पोशाक लगाएका छैनन् । जिल्ला शिक्षा कार्यलयबाट रौतहटका शिक्षकले पोशाक खरिद बापत गत साल सात हजार पाँच सय रुपैयाँ बुझेको भएपनि उनीहरु पोशाक लगाएर विद्यालय गएका छैनन् । जिल्ला शिक्षा कार्यालय रौतहटले पोशाक खरिदका लागि जिल्लाका स्थायी शिक्षकलाई रकम वितरण गरेको थियो । पोशाक खरिदका लागि रकम बुझेर पोशाक नलाउने शिक्षकलाई जिल्ला शिक्षा कार्यालयले कुनै प्रकारको निरीक्षण तथा सजाय नगरेका कारण उनीहरुले लगाउनु पर्ने पोशाक नलगाएको एक शिक्षकले जानकारी दिएका छन् ।
गत साल पोशाक खरिदका लागि जिल्ला शिक्षा कार्यलयले रकम दिएको भएपनि कुन रंगको पोशाक लगाउने भन्ने कुरा नभनेका कारण शिक्षकहरु अलमलमा परेर पोशाक नलगाएको शिक्षक युनियन रौतहटका अध्यक्ष योगेन्द्रप्रसाद यादवको भनाई छ । रंग नै नतोकि रकम दिएका कारण शिक्षकहरुले पोशाक नसिलाएको र नलगाएको यादवको भनाई रहेको छ । यस बर्ष समेत शिक्षकहरुका लागि पोशाक भक्ता आएको भएपनि स्थायी बाहेकका शिक्षकहरुले समेत आफुहरुलाई पनि पोशाक भक्ता चाहिने भन्दै बिरोध जनाएका कारण जिल्ला शिक्षा कार्यालयले पोशाक भक्ता वितरण गरेको छैन् । शिक्षा बिभागले गत साल देशभरका प्राथमिक तहका ६३ हजार ४८ जना, निमावि तर्फका ११ हजार २४९ जना र माध्यमिक तहका ९ हजार ४२ जनालाई गरी कुल ६२ करोड ५० हजार बराबरको पोशाक भक्ता बितरण गरेको थियो ।
भर्खर राखिएका अरु समाचार, फोटो र भिडियोहरु पनि हेर्नुहोस
