सर्पले टोक्दा उपचार गर्ने ठाउँ नहुँदा समस्या I

WATCH VIDEOS, PHOTOS AND MANY MORE महोत्तरी,जेठ २९ । स्थानीय स्वास्थ संस्थामा सर्पले टोकेको उपचार सेवा उपलब्ध नहुँदा महोत्तरीको उत्तरी क्षेत्रका नागरिक समस्यामा परेका छन् । स्थानीय स्वास्थ चौकी तथा बर्दिवासमा सञ्चालित सरकारी तथा निजि अस्पतालहरुमा सर्पले टोकेको विरामीको उपचार सेवा उपलब्ध नहुँदा जिल्लाको उत्तरी क्षेत्रका बर्दिवाससहित गौरीबास, माइस्थान र खएरमारा गाविसका नागरिक समस्यामा परेका हुन् । बर्दिवासमा रहेको सरकारी अस्पताल बर्दिवास अस्पतालमा सर्पले टोकेको विरामीका लागि भ्याक्सिनको व्यवस्था भएपनि विशेषज्ञ डाक्टरको अभावमा प्रयोग विहिन बनेकोे छ भने यँहा सञ्चालित चारवटै निजी अस्पतालमा पनि सर्पले टोकेका विरामीको उपचार सेवा उपलब्ध छैन् ।

बर्दिवास अस्पतालका स्वास्थ सहायक राधेश्याम झाले बर्दिवास अस्पतालमा सामान्य खालका सर्पले टोकेको विरामीको प्राथमिक उपचार मात्र हुने जानकारी दिनुभयो । उत्तरी क्षेत्रका यि गाविसबाट करिव ५० किलो मिटरको दुरीमा पर्ने जिल्ला सदरमुकाम जलेश्वरमा रहेको जिल्ला अस्पतालमा सर्पले टोकेको उपचार सेवा उपलब्ध भएपनि जलेश्वर जाने बाटो भत्कीएका कारण बिरामी समयमै पुर्याउन नसकिने हुनाले त्यँहा नलैजाने गरेको स्थानयिवासीले बताएका छन् । छिमेकी जिल्ला सर्लाही र धनुषामा समेत सर्पले टोकेको विरामीको उपचार सेवा उपलब्ध नभए पछि सर्पले टोकेको विरामीलाई उपचारका लागि सिरहाको बन्दीपुर , चोहर्वालगायतका ठाउँमा लैजानु पर्ने बाध्यता रहेको खएरमाराका स्थानीयवासी इशारा लामाले बताउनुभयो । विषालु सर्पले टोकेको छोटो समयमै मानिसको ज्यान जाने गरेकाले सिरहा सम्म प¥ुयाएर विरामीलाई बचाउनै मुस्किल हुने गरेको स्थानीयवासीको भनाई छ ।

VIDEOS