entertainment feature,
चलचित्र "मायाज बार" प्रदर्शनको तयारीमा I
SHARE WITH FRIENDS do some खलबली
मन पराउनुस --> [[
]]
Published on Wednesday, 13 June 2012
३१ जेठ, काठमाडौँ । दिवंगत राजा बीरेन्द्रको बिशेष भिजुअल प्रयोग गरिएको भनिएको चलचित्र मायाज बार प्रदर्शनको तयारीमा छ । यसको निर्देशन दिनेश डि.सीको रहेको छ । चलचित्रको प्रवद्र्धनमा व्यस्त डिसी मायाज बारलाई नेपाली चलचित्रको इतिहासमै प्राविधिक हिसाबले र मेकिङ्गको हिसाबले अव्वल भएको दावी गरेका छन् ।
लागतको हिसाबले पनि विग बजेटको चलचित्र मानिएको मायाज बारमा नायक राजेश हमाल, नायिका करिश्मा मानन्धर, गजित विष्ट, निशा अधिकारी लगायतको अभिनय रहेको छ । चलचित्रमा संसारकै कान्छा फोटोग्राफरको रुपमा गिनिज बुक अफ वल्र्ड रेकर्डस्मा नाम लेखाउन सफल रिजेन्द्र श्रेष्ठले पनि बाल कलाकारको भुमिका निर्वाह गरेका छन् ।
चलचित्रका बारेमा निर्देशक दिनेश डि.सीको भनाई छ “प्रस्तुतीका हिसावले एक असाधारण नेपाली चलचित्र हो यो, जसमा राजेश हमाललाई मैले नकारात्मक भुमिकामा प्रस्तुत गरेको छु साथै प्राविधिक विशिष्टताको चलचित्र हो मायाज बार ।” आगामी श्रावण १८ गतेदेखि मोफसलमा र १९ गतेदेखि काठमाडौंमा रिलिज हुने मायाज बारमा ४ वटा गीत रहेका छन् । चारवटा गीतमध्ये एउटामा भने निर्देशक दिनेशकै आवाज रहेको छ । आफै गीत गाउनु भएछ नि भन्दा उहाँको भनाई छ “अरु व्यबसायिक गायकहरुलाई नै गाउन लगाउने सोच त थियो तर जुन मेलोडी छ गीतमा त्यसको पीडालाई न्याय गर्न सक्दैनन् कि भनेर आफै गाएको हुँ ।” चर्चित सिनेमेट्रोग्राफर पुरुषोत्तम प्रधानको सिनेमेट्रोग्राफी रहेको चलचित्र मायाज बारमा संगीत भने सुरेश अधिकारीको रहेको छ ।
भर्खर राखिएका अरु समाचार, फोटो र भिडियोहरु पनि हेर्नुहोस
