Feature समाचार,
माओवादी ट्रेड युनियनमा पुन: जमरकट्टेल I
SHARE WITH FRIENDS do some खलबली
मन पराउनुस --> [[
]]
Published on Sunday, 10 June 2012
काठमाण्डौ । प्रचण्ड, वैद्य र बाबुराम समूहवीच तिब्र बिबाद भएपछि माओवादीले एक बर्ष पहिले बिघटन गरेको ट्रेड युनियन महासंघ पुर्नस्थापना भएको छ ।
बिबाद मिलाउन भन्दै केन्द्रीय समितिले स्थायी समिति सदस्य पोष्टबहादुर बोगटीको संयोजकत्वमा पाँचौ राष्ट्रिय सम्मेलन आयोजक समिति गठन गरेको थियो । तर बिबाद मिल्नुको साटो वैद्य पक्षले छुट्टै संगठन बनाएपछि संस्थापन पक्षले सालिकराम जमरकट्टेलको अध्यक्षमा २०६५ सालमा निर्वाचित ९३ सदस्यीय कार्यसमिति पुर्नस्थापना गरेको हो ।
आइतवार केन्द्रीय कार्यालयमा आयोजित पत्रकार सम्मेलनमा अध्यक्ष सालिकराम जमरकट्टेलले पछिल्लो दिनमा संगठन निष्क्रिय भई बिघटन हुने खतरा बढेकाले पार्टीसँग समन्वय गरि पुर्नस्थापना गरिएको बताउनुभयो । हालै वसेको माओवादी केन्द्रीय समितिको वैठकले कार्यसमिति पुर्नस्थापनाको निर्णय गरेको भनिएपनि पार्टीले आधिकारीकरुपमा निर्णय सार्वजनिक गरेको छैन, संगठनले आफैं पुर्नस्थापित भएको घोषणा गरेको छ ।
यसअघि अन्तरसंर्घषका क्रममा भएका गल्ती तथा कमीकमजोरीलाई सच्चाउने र आगामी दिनमा हुने समस्यालाई मित्रवत ढंगले हल गर्ने जमरकट्टेलले बताउनुभयो ।
पत्रकार सम्मेलनमा यसअघि सालिकरामबिरुद्ध भिडन्तमा उत्रिएका बाबुराम पक्षधरका मजदुर नेता पनि उपस्थीत थिए । वैद्य पक्षले पार्टी फुटाउने तयारी गरिरहंदा मजदुरहरु त्यतातिर आर्कषिर्त हुनसक्ने खतरालाई ध्यान दिंदै संगठन जोगाईराख्न संस्थापनपक्षको सहमतिमा यस्तो निर्णय गरिएको बताइएको छ ।
केही दिन अघि नेवा राज्य समितिको वैठकमा जमरकट्टेलसहितका नेताहरुले वैद्य समूहले अलग्गै संगठन बनाइसकेको अबस्थामा पुरानो कार्यसमिति पुर्नस्थना नगर्नु कारवाही गरेसरह हुने भन्दै आक्रोश पोखेका थिए । पुर्नस्थापना नगरिए असार १ गतेका लागि आयोजना गरिएको प्रर्दशनमा मजदुरले भाग नलिने चेतावनी दिएपछि नेतृत्वले बाध्य भएर पुर्नस्थापना गरेको स्रोतको दावी छ ।
भर्खर राखिएका अरु समाचार, फोटो र भिडियोहरु पनि हेर्नुहोस
