Feature प्रवास समाचार,
अवैध कामदारलाई फिर्ता नपठाउने- ओबामाको घोषणा I
SHARE WITH FRIENDS do some खलबली
मन पराउनुस --> [[
]]
Published on Saturday, 16 June 2012
राष्ट्रपतिको घोषणा अनुसार पाँच वर्षदेखि अमेरिकामा बस्दै आएका १६ देखि ३० वर्ष सम्मको उमेरका मानिस श्रम इजाजत पाउन योग्य हुनेछन् । सरकारी योजनाबाट ८ लाख मानिसलाई फाईदा पुग्ने अनुमान गरिएको छ ।
आउँदो चुनावमा ओबामाका प्रतिद्वन्दी बन्ने निश्चित भएका रिपब्लिकन पार्टीका मिट रोमनीले सरकारी घोषणाको आलोचना गरेका छन् । उनले आप्रवासी कामदारको मुद्धा कानूनी रुपमा टुंग्याउनुपर्ने भन्दै यसलाई राजनीतिक रंग दिनु जायज नहुने बताए ।
ओबामाको यो निर्णयलाई मान्ने र नमान्ने दुवै पक्ष एक कुरामा भने सहमत छन् । उनीहरुका अनुसार यो समस्याको समाधान एकमुष्ठ रुपमा खोज्नुपर्छ । केही समयको मात्र कानुन नभएर संविधानमा नै यस समस्याको समाधानमा जोड दिनुपर्नेमा उनीहरुले जोड दिएका छन् ।
ओबामालाई एक वर्षमा चार लाख आप्रवासीलाई देश निकाला गरेको आरोप लागिरहेका बेला यो निर्णयले आगामी चुनाबमा उनलाई सजिलो हुनेछ । आप्रवासीप्रति कडा नीति लिएका ओबामाको निर्णयले प्रतिपक्षी रिपब्लिकन पार्टीका उमेद्वार मिट रोम्नीलाई कमजोर बनाउने अनुमान गरिएको छ।
यो निर्णयले कुनैपनि आप्रवासीलाई नागरिकताको अधिकार भने दिएको छैन । यो कुरा बताउदैं ओबामाले भने – ‘सबै आप्रवासीहरु मनले अमेरिकन नै छन्, मात्र कागज हुन पाएका छैनन् ।’ यो सुविधा प्रयोग गर्नका लागि आप्रवासी कामदारहरु १६ वर्ष हुनुभन्दा पहिले अमेरिका आएको र ५ वर्षदेखि त्यही बसेको हुनुपर्छ । त्यस्तै विद्यालय शिक्षा हासिल गरेका र असल चरित्र भएकाले यो सुविधा प्रयोग गर्न पाउने छन् ।
भर्खर राखिएका अरु समाचार, फोटो र भिडियोहरु पनि हेर्नुहोस
