Feature अपराध समाचार,
माओवादी लडाकुले गरगहना र नगद लुटपाट गरे I
SHARE WITH FRIENDS do some खलबली
मन पराउनुस --> [[
]]
Published on Tuesday, 28 August 2012
सुनका गरहना र नगद लुटपाट गरेको आरोपमा रोल्पा प्रहरीले शिविरमा रहेका माओवादी लडाकासहित ५ जना युवा पक्राउ परेका छन्। पक्राउ पर्नेमा रामेछाप जिल्ला त्रिपुङ गाबिस ३ घर भई हालः रोल्पा स्थित माओवादी जनमुक्ति सेनाको उँघा ब्यारेकमा कार्यरत लडाका २३ वर्षीय संजय उपनामले चिनिने दिपक रानामगर, अर्घाखाँची जिल्लाको जुकेना गाविस ८ ठूलाढुङ्गे घर भई हालः माओवादी शिविर उँघा ब्यारेकमै कार्यरत सेक्सन कमाण्डर ‘रोशन उपनामले चिनिने बीरबहादुर मगर, रोल्पा डुबिडाँडा २ बाईजाका २३ वर्षीय ज्ञानबहादुर बस्नेत, सोहि ठाउँका २२ वर्षीय ओम प्रकाश बस्नेत र दाङ सौडियार ७ घर भई हालः स्थानीय सनराईज बोडिङ स्कुल सैवाङका २२ वर्षीय शिक्षक लोकबहादुर कुँवर, रहेका छन्। उनिहरुलाई इलाका प्रहरी कार्यालय होलेरीले पक्राउ गरी सार्वजनिक गरेको हो।
गत भदौ ८ गते राति डुबिडाँडा २ बाइजाकी ३६ वर्षीय गोमा बस्नेतको घरमा खुकुरीसहित प्रवेश गरेका उक्त समूहले घर मालिक गोमा वस्नेतसहित उनका छोरा, भाई र छिमेकी फुपुलाई कुटपिट गर्नुका साथै बाँधेर लुटपाट गरेका थिए। लुटेराहरुले २ तोलाको सुनको सिक्री १ थान, एक तोला चार आनाको सुनकै सिक्री १ थान, १२ आनाको तिलहरी १ थान, दुई वटा मोबाइल सेट, र नगद १ लाख ५० हजार रुपैयाँ लुटेर लगेको प्रहरीले जनाएको छ।
भर्खर राखिएका अरु समाचार, फोटो र भिडियोहरु पनि हेर्नुहोस
