समाचार,
स्थानीय बासिन्दाबाट लाखौ ठगेर एक भारतीय नागरिक फरार I
SHARE WITH FRIENDS do some खलबली
मन पराउनुस --> [[
]]
Published on Sunday, 26 August 2012
१० भदौ, रौतहट । एकजना भारतीय नागरिक रौतहटको चन्द्रनिगाहपुर बजारबाट लाखौ रकम ठगेर बेपत्ता भएका छन् । केही बर्षदेखि चन्द्रनिगाहपुरमा किराना सामानको व्यापार गर्दै आएका भारतको मोफरपुर घर भएका उमेशप्रसाद यादवले स्थानीय बासिन्दा, व्यापारी र सहकारी संस्थाबाट समेत मोटो रकम ऋण लिएर फरार भएका हुन् ।
उनी एकाएक फरार भएपछि चन्द्रनिगाहपुरमा ढुकुटी खेल्नेहरु समेत मारमा परेका छन् । अबैध रुपमा ढुकुटी खेल्नेहरुको रकम कति लिएर फरार भएका हुन् भन्ने कुरा खुल्न सकेको छैन् । उनले स्थानीय आधा दर्जन सहकारीबाट ऋण समेत लिएका छन् । ठगी गरेर फरार यादवले किस्तामा लिएको एउटा टाटा मोवाईल गाडी समेत लिएर गएको स्थानीय व्यापारीहरुले बताएका छन् । चन्द्रनिगाहपुरमा रहेका बिभिन्न सहकारीबाट ऋण लिएर उनी फरार भएपछि आफुहरु समस्या परेको मेरो बचत तथा ऋण सहकारी संस्थाका सञ्चालक सुमन गौतमले जनाएको छ । उनले चन्द्रनिगाहपुर क्षेत्रबाट करिब ४० लाख बराबर लिएर फरार भएको स्थानीय चामल ब्यापारी निरन श्रेष्ठले बताए ।
पछिल्लो पटक चन्द्रनिगाहपुरमा भारतको बिभिन्न स्थानबाट आएर व्यापार गर्ने र पछि फरार हुने क्रम बढेको छ । भारतीय नागरिक ठगी गरेर फरार भएको बारेमा आफु कहाँ कुनै जानकारी नआएको ईलाका प्रहरी कार्यालय चन्द्रनिगाहपुरका प्रहरीले जनाएको छ । स्थानीय बासिन्दाका अनुसार ती भारतीय नागरिकले नक्कली नेपाली नागरिकताको प्रमाणपत्र देखाएर सहकारीहरुबाट ऋण लिएको बुझिएको छ
भर्खर राखिएका अरु समाचार, फोटो र भिडियोहरु पनि हेर्नुहोस
