डुंगा डुबेर मर्नेको संख्या छ पुग्यो I

WATCH VIDEOS, PHOTOS AND MANY MORE रौतहटको गम्हरीयास्थित बागमती नदीमा शनिबार भएको डुंगा दुर्घटनामा मृत्यु हुनेको संख्या ६ पुगेको छ। आज बिहान रौतहटको ब्रम्हपुरी गाउँ विकास समितिको नदी किनारमा एक बालकको शव फेला परेपछि मृत्यु हुनेको संख्या ६ पुगेको हो।


गम्हरिया पर्सा गाउँ विकास समितिको लक्ष्मीपुर टोल नजिक बागमती नदीमा भएको डुंगा दुर्घटनामा परेका चार जना अझै बेपत्ता रहेको प्रहरीले जनाएको छ। सशस्त्र प्रहरी, नेपाल प्रहरी र स्थानीयवासीले बेपत्ता भएकाहरुको खोजी गरिरहेका छन्।


डुंगामा सर्लाहीबाट घाँस लिएर फर्किदै गरेका रौतहट गम्हरीया पर्साका स्थानियहरु चढेका थिए । १६ जना बालबालिका तथा अन्य यात्रुहरु गरी करीब ५० जना मानिस चढेको डुङ्गामा एक मोटरसाइकल तथा ३ साइकल पनि राखिएको थियो । डुंगामा क्षमताभन्दा बढी यात्रु रहेका कारण पल्टिएको प्रहरीले जनाएको छ।

VIDEOS